Toshkentdagi do‘konni tunagan shaxs uch kun o‘tib, vafot etdi

Ijtimoiy tarmoqlarda bir fuqaro do‘konda o‘g‘rilik sodir etayotganligi aks etgan video tarqaldi. Toshkent shahar IIBB Matbuot xizmati holat yuzasidan maʼlumot berdi.

Qayd etilishicha, joriy yilning 26 avgust kuni Yashnobod tumanida joylashgan do‘konlarning birida 1984 yilda tug‘ilgan A.R. jami 503 ming so‘mlik mahsulotlarni talon-taroj qilib, voqea joyidan yashiringan.

Holat yuzasidan o‘tkazilgan tekshiruv jarayonida A.R. 2022 yilning 29 avgust kuni surunkali kasallik tufayli vafot etgani sababli, ish hujjatlari yurituvdan tugatilgan.